ევრითმია, როგორც მოძრაობის ხელოვნება, არის „ხილული მეტყველება და ხილული სიმღერა“. ბგერები და მუსიკალური ტონები სრულდება კიდურების მოძრაობით. ყოველი მოძრაობა საზრისითაა აღვსილი და გამაჯანსაღებელია. მოძრაობები პოეტურ და მუსიკალურ ნაწარმოებებზე სრულდება ჯგუფებში, ან ინდივიდუალურად. სამკურნალო ევრითმია ინდივიდუალურად ინიშნება ექიმის დიაგნოზის შესაბამისად და სავარჯიშოები წარიმართება მკურნალი ევრითმისტის მიერ.
სამკურნალო ევრითმიის სავარჯიშოების სისტემატური კეთებით მიიღწევა სხეულის უკეთესი დაუფლება, მეტყველებისა და ქცევის სწორი განვითარება და წარმართვა, ადამიანის არსების წევრთა წონასწორობის და ჰარმონიის მიღწევა. ამ გამაჯანსაღებელი ხელოვნების მეთოდს ქედელის წევრები მადლიერებითა და სიხარულით იღებენ.
